ereb birleshme xelipilikining meslihetchisi tashqi ishlar ministirliqigha chaqirtildi
ereb birleshme xelipilikining enqere bash elchixanisining meslihetchisi hawli eshshimsi tashqi ishlar ministirliqigha chaqirtildi.
![ereb birleshme xelipilikining meslihetchisi tashqi ishlar ministirliqigha chaqirtildi](http://cdn.trt.net.tr/images/xlarge/rectangle/a206/df28/bdc2/5a4f31a279ba9.jpg?time=1718971761)
türkiye awazi radiyosi xewiri: diplomatik menbelerning bildürüshiche, ereb birleshme xelipilikining enqere bash elchixanisi meslihetchisi hawli eshshimsi tashqi ishlar ministirliqigha chaqirtilghan hemde ereb birleshme xelipiliki tashqi ishlar ministiri abdullah bin zayidning öz waqtida medinini qoghdash yolida körsetken töhpiliri tüpeyli tarix sehipiliridin menggülük orun alghan fahreddin pasha heqqide ammiwi taratqularda tarqatqan ighwalirining türkiyening qattiq ghezipini keltürgenliki otturigha qoyulghan.
ereb birleshme xelipiliki tashqi ishlar ministiri zayid ammiwi ortaqlishish tor béti Twitter sehipiside bir tordashning «osmanli impériyesi dewride» medinini jan tikip qoghdighan fahreddin pashaning yerlik xelqqe qarshi jinayet sadir qilghanliqigha alaqidar ighwagerlik uchurini tekrar hembehirleshkenidi.