xitay afriqida éshek bahasining éship kétishige seweb boldi

türkiye awazi radiyosi xewiri: éshek baqquchi ibrahim mayjaki we haywanat doxturi doktor ehmem abdulhemid fagge, xitayning yémek – ichmektin tibabetke, tére yaixshilash méyidin térilghugha qeder hemmila sahede éshekke we éshek göshidin ishlepchiqirilghan her türlük mehsulatlargha jiddiy éhtiyajliq bolushi sewebidin nigériyede éshek bahasining éship ketkenlikini éytti.

bezi afriqa döletliri xitaygha éshek ékisport qilishni toxtatqandin kéyin, xitayning nigériyege yüzlengenlikini bildürgen ibrahim mayjaki, telep intayin yuqiri bolghachqa nigiriyede éshek bahasining  3 hetta 4 hesse örlep ketkenlikini bildürdi.

ibrahim mayjaki xitayning éshekke bolghan telipi yuqiri bolghanliqtin ichki bazarda éshek bahasining izchil örlewatqanliqini tilgha élip: «xitay hökümiti éshek éhtiyajini qamdash üchün xususiy shirketler arqiliq afriqa döletliridin éshek göshi we térisini import qilishqa bashlidi. éshekke bolghan telep biraqla éship ketkenliki tüpeylidin bezi afriqa döletliri éshek ékisport qilishni toxtitishqa mejbur» dédi.

u yiraq asiya döletlirining asasen dégüdek afriqidin éshek import qiliwatqanliqini bildürüp: «ishek we ishek göshige bolghan telep xitaydin eng köp kélidu. éshekler déhqanchiliq ishlirigha ishlitilgendin bashqa yene, sehiye, yémek – ichmek we tére yaxshilash saheliride ishlitilidu. xitaydin kelgen telepning yuqiri bolushi sewebidin nigériyede éshek bahasi 3 – 4 hesse éship ketti. ilgiri texminen 40 dollargha sétiliwatqan éshekler mana hazir 150 dollardin 200 dollarghiche sétilmaqta» dédi.

nigériyelik charwa doxturi ehmed abdulhemid fagge yene: «nigiriyediki xelqara ayrodurumda köp miqdarda qanunsiz éshek térisi musadire qilindi. bundaq kétiwéridighan bolsa, qisqighine waqit ichide nigériyede éshek qalmaydu» dédi.

nigiriyediki ésheklerning asasliq köp qismining xitaygha yötkilip bolghanliqini bildürgen doktor fagge: «nigériyediki ésheklerning %70 yaki %80i dégüdek éksport qilinip boldi. nigiriyening oxshash bolmighan yerliridiki éshekler jenubtiki port sheherlirige topliniwatidu. bu ésheklerning beziliri tirik we asasliq köp qismi öltürülüp, gösh we tére sheklide xitaygha éksport qiliniwatidu» dédi.

doktor ehmed abdulhemid fagge xitayning nigériyedin import qilghan isheklerni déhqanchiliq sahesidila  emes, belki  dora we tére asirash mayliri ishlepchiqirish saheside, bolupmu yémeklikte köp ishlitidighanliqini sözlirige ilawe qildi.