engliyede öy-makansizliq mesilisi barghanche éghirlashmaqta

türkiye awazi radiyosi xewiri: engliyede parlamént ezaliridin teshkil tapqan heyet öy-makansizliqning engliyede memliket xaraktérlik kiriziske aylanghanliqini,  hökümetning bolsa bu mesilige köngül bölmigenlikini bildürdi.

parlaméntqa qarashliq ammiwi ishlar komitétining bu heqte élan qilghan doklatida körsitilishiche, engliyede 9000 adem kochida yashaydiken, 78 ming aile muqim öyi bolmighanliqtin waqitliq tesis qilinghan qonalghularda yashaydiken , 120 ming balining ailisining öyi yoq iken.

oxshimighan partiyelerning parlamént ezaliridin teshkil tapqan komitétning bildürüshiche, öy-makansizlarni öy-makanliq qilish xizmiti ongushluq élip bérilmighan.

hökümet bolsa bu mesilini hel qilish üchün hazirghiche bir milyard pund serp qilghanliqini uqturdi.

doklatta kéchisi sirtta tüneydighanlarning sanining 2011-yildin hazirghiche %134 ashqanliqi, waqitliq tesis qilinghan qonalghularda qéliwatqanlarning sanining bolsa %66 ashqanliqi bildürüldi.

komitétning bashliqi még hillér hökümetning öy-makansizlarni öy-makanliq qilish siyasitining ongushluq bolmighanliqini bildürüp mundaq dédi: «hökümet öy-makansizliq mesilisining sewebliri we netijilirini éniqlap chiqish we bu mesilini hel qilish üchün zor tirishchanliq körsitishi lazim.»