israiliye saqchiliri baburrehme qebristanliqigha basturup kirdi

türkiye awazi radiyosi xewiri: israiliye saqchiliri, ishghal astidiki sherqiy quddusqa jaylashqan mesjidi eqsa témigha yéqin yerdiki musulmanlarning tarixiy baburrehme qebristanliqigha basturup kirip, pelestinlikni ikki yashni urghandin kéyin nazaret astigha aldi.

quddus musulmanlar qebristanliqliri kéngishi bashliqi mustapa ebu zehra, israiliye muhit ishliri idarisi xadimlirining baburrehme qebristanliqigha kirip, u yerdiki derexlerni késip tashlighanliqini bildürdi. ebu zehra sözini dawamlashturup, pelestinlik ikki yashning mezkur xadimlirigha tosqunluq qilishqa urunghanliqini, biraq israiliye saqchilirining neq meydangha yétip kélip, yashlarni urup, arqidin nazaret astigha élip ketkenlikini qeyt qildi.

ebu zehra, mezkur qebristanliqta 400 shéhitning qebrisi barliqini tekitlep, bu kishilerning 1967 – yili ereb – israiliye urushida shéhit bolghanliqini, bu yerni qebristanliq qilish qararining ishghaldin ilgiriki pelestin sheherlik hökümet teripidin chiqirilghanliqini xatirilitip ötti.