israiliye ghezzege hujum qildi
israiliye qamal astidiki ghezze rayonigha urush ayropilanliri we tankilar bilen hujum qildi.
türkiye awazi radiyosi xewiri: israiliye armiyesi teripidin bu heqte élan qilinghan bayanatta: «urush ayropilanliri bilen tankilar ghezze rayonidiki térrorluq teshkilatlirigha ait ikki nishangha zerbe berdi» déyildi.
bayanatta eskertilishiche, aldinqi küni ghezze rayonidin israiliyening jenubiy qismi üch qétim rakétamiyot arqiliq hujumgha uchrighan, rakétamiyotlardin ikkisi ghezze terepke, yene ikkisi israiliyening jenubidiki bosh bir jaygha chüshken, emma hujumda adem ölüsh we yarilinish ehwali körülmigen, israiliye armiyesi buninggha urush ayropilanliri we tankilar arqiliq hujum qilish arqiliq jawab qayturghan.
israiliye armiyesining bildürüshiche, ghezzedin israiliyege qilinghan barliq rakétamiyot hujumlirining jawabkarliqi hamasqa ait iken.
igilinishiche, ghezze rayonidiki pelesitnlik guruppilardin héchqaysisi hujumning jawabkarliqini öz üstige almighan.
