trampning quddus qararigha lenet yaghmaqta
türkiyening we dunyaning herqaysi jaylirida amérika pirézidénti trampning quddusni israiliyening paytexti dep étirap qilish qararigha lenet yaghmaqta.
864172
türkiye awazi radiyosi xewiri: bügün islam dunyasigha nisbeten «muqeddes kün» bolghanliqi üchün memliket ichi – sirtida naraziliq namayishliri ötküzülidu.
islam dunyasida jüme namizidin kéyin ötküzülidighan namayishlarda trampning qarari eyiblinidu hemde quddusning sahibsiz emesliki pütkül jahangha jakarlinidu.
adana wilayitide puqrawi qoghdinish herikiti mejlisining aldida 65 jemiyet we fondi jemiyet jüme namizidin kéyin bayanat élan qilidu.
diyarbaqir wilayitidimu puqrawi qoghdinish herikiti teshkilatlirining rehberlikide «ulugh jamesi» ning aldida bayanat élan qilinidu hemde amérikining quddus qararigha naraziliq bildürülidu. erzurum wilayitidimu «lalapasha jamesi» ning aldida namayish ötküzülidu.
