mesjidi eqsaning chiraghliri öchürüldi
amérika pirézidénti donald trampning ighwagerchilikke tolghan qararini élan qilishi bilen teng, mesjidi eqsaning chiraghlirining öchürülgenliki bildürüldi.
türkiye awazi radiyosi xewiri: ishghal astidiki sherqiy quddusqa jaylashqan mesjidi eqsaning chiraghliri amérika pirézidénti donald tramp quddusqa munasiwetlik ighwagerchilikke tolghan qararni élan qilishi bilen teng öchürüldi.
oxshash waqitta yene beytullahim shehiridiki xiristiyanlarmu mehd chérkawi meydanidiki noél derexlirini qara haletke özgertken.
sherqiy quddusni 1967-yili 5-iyun ishghal qilghan isirailiye, 1980-yili öz aldigha qarar chiqirip, sheherning sherqiy we gherbini «birleshken paytext» dep élan qilgha idi. b d t xewpsizlik kéngishi 1980-yili qobul qilghan 478-nomurluq qarar bilen, isirailiyening ishghaliyiti we paytext élanini emeldin qaldurghan idi.
b d t xewpsizlik kéngishining qarari ramkisida, amérikani öz ichige alghan xelqaraliq jemiyet sherqiy quddusning ishghal astida ikenlikini qobul qilidu. isirailiye hökümitini étirap qilghan barliq döletlerning elchixaniliri tél awiwgha jaylashqan. héchqaysi dölet quddusqa yaki sherqiy we gherbiy qisimlirini paytext dep qobul qilmaydu.
