pars qoltuqi hemkarliq kéngishi yighini bashlandi
pars qoltuqi hemkarliq kéngishining 38 – nöwetlik bashliqlar yighini kuweytte bashlandi.
türkiye awazi radiyosi xewiri: pars qoltuqi hemkarliq kéngishining 1989 – yilidiki qurulushidin buyanqi eng az kishining ishtirak qilishi bilen chaqirilghan yighinigha yuqiri derijilik emeldarlardin peqet kuweyt emri sheyx sabah elehmed eljabir essabah bilen qatar emri sheyx temim bin hemed al sani qatnashti.
yighingha omangha wakaliten ichki kabinétqa mesul bash ministir yardemchisi fehd bin muhemmed al seid qatnashti؛ sultan qabus bin seid 2011 – yilidin buyan pars qoltuqi hemkarliq kéngishi bashliqlar yighinigha ishtirak qilmighanliqi üchün, bu ehwal omangha nisbeten normal hésablinidu.
yighingha ereb birleshme xelipiliki, seudi erebistan, behreyndinmu dölet bashliqliri ishtirak qilmidi.
pars qoltuqida bash kötürgen kirizisning kölenggiside ötküzülgen yighingha seudi erebistangha wakaliten tashqi ishlar ministiri adil eljubeyir, behreynge wakaliten bash ministir yardemchisi muhemmed bin mubarek al xelife, ereb birleshme xelipilikige wakaliten tashqi ishlargha mesul dölet ministiri enwer qarqash qatnashti.
seudi erebistan, ereb birleshme xelipiliki, misir we behreyn dairilirining 5 – iyunda qatar bilen diplomatik munasiwetlirini toxtitishi pars qoltuqi rayonida kirizis peyda qilghanidi.
kuweyt bolsa, bu kirizista muresseleshtürgüchilik rolini üstige alghanidi.
مۇناسىۋەتلىك خەۋەرلەر
gérmaniyede bir qehwexanida partlash yüz berdi
gérmaniyening kölin shehiridiki bir qehwexanida yüz bergen partlashta ikki kishi yénik yarilandi.
