aq saray: sabiq meslihetchining tekshürülüshining tramp bilen munasiwiti yoq
aq saray adwukatliridin tay kob sabiq dölet xewpsizlik ishliri meslihetchisi maykél flinning rusiye mesililiride fédéral tekshürüsh biyorusigha yalghan éytqanliqini iqrar qilishining tramp bilen munasiwiti yoqluqini ilgiri sürdi.
türkiye awazi radiyosi xewiri: kob bu heqte élan qilghan yazma bayanatida, flinning rusiye dairiliri bilen körüshüsh yolyoruqini tramptin alghan bolushigha munasiwetlik dewalarni ret qildi.
flinni «tramp hökümitide peqet 25 künla wezipe ötigen» we «sabiq barak obama hökümiti xadimi» dep atighan kob, uning fédéral tekshürüsh biyorusi mesullirigha yalghan éytqanliqini iqrar qilghanliqini tekitlep mundaq dédi: «uning éytqanliri aq saray dairilirighimu tesir körsetken, bu qilmishi uning féwralda wezipisidin istépa bérishige seweb bolghan. jinayitini qobul qilghan yaki eyiblengen kishi özi bolghanliqi üchün, tekshürüsh ishlirimu flindin bashqilargha chétilmaydu.»
flin rusiyening sabiq bash elchisi sérgéy kisilyak bilen élip barghan uchrishishliri esiliside fédéral tekshürüsh biyorusigha yalghan éytqanliqini iqrar qilghanidi.
