tramp behreyn text warisi shahzadisini qobul qildi

türkiye awazi radiyosi xewiri: amérika pirézidénti tramp bilen behreyn text warisi shahzadisi elxelifening uchrishishida nuqtiliq halda ikki dölet iqtisadiy we soda munasiwetliri muhakime qilindi.

tramp uchrishishtin ilgiri muxbirlargha qisqila bayanat bérip, behreyn bilen pat arida perqliq saheler boyiche 9 milyard dollarliq soda kélishimi imzalaydighanliqlirini we buningdin nahayiti xushal ikenliklirini bildürdi. u sözini dawamlashturup, «arimizda uzungha sozulghan küchlük munasiwet bar, bu munasiwet téximu yaxshilinidu» dégenlerni qeyt qildi.

behreyn text warisi shahzadisi elxelifemu, amérika ziyaritining «intayin muhim bir ziyaret» ikenlikini, ikki dölet arisida yüz yilgha yéqin waqittin buyan dawamliship kéliwatqan ittipaq we xelqler ara dostluq munasiwiti barliqini éytti.

arqidin tramp bilen elxelife ayrim uchrishish ötküzüp, ikki dölet munasiwetliri we rayongha alaqidar mesililer toghrisida sözleshti.

behreyn text warisi shahzadisi elxelife tünügün amérika tashqi ishlar ministiri réks tillérson we mudapie ministiri jéyms mattis bilen ayrim – ayrim körüshkenidi.