süriye öktichiliri beshshar esed hakimiyiti bilen biwaste körüshüshni teklip qildi

türkiye awazi radiyosi xewiri: süriye öktichiliri aliy muzakire komitétining bayanatchiliridin yehya aridi b d t süriye alahide wekili stéfan démistura bilen ötküzgen yighinni axirlashturghandin kéyin, yazma bayanat élan qildi.

bayanatchi aridi démisturagha jenwediki b d t uchrishishlirida beshshar esed hakimiyitining wekilliri bilen biwaste körüshüshni teklip qilghanliqlirini bildürdi. u beshshar esed hakimiyitining jenwediki uchrishishlarni kéchiktürüshke urunup, süriye xelqini qiynashni dawamlashturuwatqanliqini eskertti.

u: «emdi öktichiler parchilandi deydighan bahane yoq. biz bir we qarshi terep bilen biwaste körüshüshke teyyarmiz. yéqinqi ikki heptide süriyede jiddiy weziyetni peseytish rayonliri ichide bolghan we beshshar esed hakimiyiti qattiq hujum qiliwatqan sherqiy gutada 69 puqra jénidin ayrildi, 500 din artuq puqra yarilandi» dédi.

bügün (29-noyabir) beshshar esed hakimiyiti heyitining jenwege baridighanliqi bildürüldi. tunji qétimliq jenwe yighini 2012-yili 30-iyun échilghan bolup, 2-qétimliq jenwe yighini 2014-yil 22-yanwar échilghan, biraq netijisiz axirlashqan idi. 3-qétimliq jenwe yighini bolsa, 2016-yil 29-yanwar bashlanghan we beshshar esed hakimiyitining helebni qorshawgha élish sewebidin axirlashqan idi.

b d t melumatlirigha asaslanghanda, 8-qétimliq jenwe yighini 1-dékabir (jüme) küni axirlishidighan bolup, dékabir éyining otturilirida yene qayta uchrishish pilan qilinmaqta iken.