seudi erebistan shahzadilirining qiyin - qistaqqa élinghanliqi ilgiri sürülmekte
tutqun qilinghan shahzidilerge alaqidar bezi tepsilatlar engliyede chiqidighan «İngiliz Daily Mail» gézitide ashkarilandi.
türkiye awazi radiyosi xewiri: seudi erebistanda chiriklik bilen eyiblinip nazaretke élinghan shahzidilerning amérikining xususiy bixeterlik shirketliridiki yallanma eskerler teripidin qiyin - qistaqqa élinghanliqi ilgiri sürüldi.
engliyede chiqidighan «İngiliz Daily Mail» gézitining xewiride, amérikining xususiy bixeterlik shirketliride xizmet qilidighan yallanma eskerlerning nazarettiki shahzadilerni soraq qilghanliqi, urup, putidin ésip qoyghanliqi, kemsitip, testek urup, haqaret qilghanliqi bildürüldi.
xewerde bu shahzadiler ichide türkiyening bodrum shehiridiki tetil jeryanida pütün bir xezini xirajet qilghandek pul xejligenliki bilen tunulghan shahzade telalningmu barliqi uqturuldi.
«İngiliz Daily Mail» gézitige bayanat bergen we ismini ashkarilashni xalimaydighan bir menbe, paytext riyadtiki aliy derijilik bir méhmanxanida nazarette tutup turuliwatqan barliq mehbuslarni chet ellik eskerlerning saqlawatqanliqini éytti.
u mundaq dédi:
«seudi erebistan text warisi muhemmmed bin selman nazazetke élinghanlargha seudi bixeterlik xadimlirining qarishini xalimaydu. méhmanxanining sirtida seudi erebistan alahide qisim xadimliri bar. ichide chet elning xususiy bixeterlik shirketliri xadimliri bar. ular ebudabidin kélip, hemme nersini kotirolluqi astigha aldi. muhim bir ish bolghanda selman özi kélip intayin yumshaq soallarni soraydu. u yataqtin chiqqandin kéyin yallanma eskerler ichkirige kirip, nazarettikilerge haqaret yaghduridu, ularni testekleydu, ésip qoyidu, qiyin – qistaqqa alidu»
texminen 3 hepte ilgiri seudi erebistanda text warisi muhemmed bin selmanning riyaestchilikide bashlanghan chiriklike qarshi herikette az dégendimu 11 shahzade, onlighan karxanichi we hökümet emeldarliri tutqun qilinghan idi.
