tibettiki yer tewresh apitining zéyini éghir boldi
tibettiki yer tewresh apitide mektep, saqchi ponkitliri, doxturxanilar we hökümet binalirinimu öz ichige alghan 3 mingdin artuq qurulush ziyangha uchridi.
türkiye awazi radiyosi xewiri: xitayning tibet aptonom rayonida yüz bergen bu qétimqi yer tewresh apiti tibetning 6 nahiye we rayonida texminen 12 ming kishining turmushigha éghir tesir körsetti.
bu qétimqi 6.9 bal yer tewresh aptide öyliri ziyangha uchrighan 2000 kishige chédir yardemliri yetküzüp bérildi.
shinxua agéntliqining xewiride bildürülishiche, shenbe küni tibetning niyingchi rayonida yüz bergen 6.9 bal yer tewresh apitidin kéyin, texminen 300 qétimgha yéqin qalduq yer tewreshler meydangha kelgen.
bu qétimqi yer tewresh apiti tibetning 6 nahiye we rayonida, texminen 12 ming kishining turmushigha éghir tesir körsetken bolup, mektep, saqchi ponkitliri, doxturxanilar we hökümet binalirinimu öz ichige alghan 3 mingdin artuq qurulush ziyangha uchrighan.
rayon qatinishi toxtap, ül – eslihe qurulushliri we uchur – alaqe léniyelirimu éghir tesirge uchrighan.
shinxua agéntliqining xewiride, yer tewreshtin kéyin, 49 jaygha 500 chédir qurulghanliqi we u chédirlargha 2000 din artuq öyliri örülüp chüshken kishiler urunlashturulghanliqi hemde apetke uchrighuchilargha yémek – ichmek we edyal tarqitip bérilgenliki bildürüldi.
tibette yüz bergen bu qétimqi 6.9 bal yer tewersh apitide adem ölüsh weqesi körülmigenliki, peqet 3 kishiningla yaridar bolghanliqi tekitlendi.
