engliyede tik uchar bilen bir ammiwi ayropilan hawada soqushup ketti
saqchilar weqening sewebige alaqidar birer melumat bérishning baldurluq qilidighanliqini éytti. hayatidin ayrilghan ayropilan xadimliri heqqidimu héch qandaq melumat bermidi.
türkiye awazi radiyosi xewiri: engliyening bukinghamshayr rayonida tik uchar bilen bir ammiwi ayropilan hawada soqushup chüshüp kétishi tüpeylidin 4 kishi hayatidin ayrildi.
rayonning bixeterlikige mesul tamés yéziliq saqchi idarisidin ilan qilinghan bayanatta, weqening londonning gherbiy shimaligha jaylashqan bukinghamshayr rayonigha qarashliq aylésburigh yézisida shu yerning waqti 12:06 ötkende (yeni türkiye waqti 15:06 ötkende) yüz bergenliki bildürüldi.
tik uchar bilen «Cessna 152» tipliq yénik ayropilanning herbiy ayropilanlar emesliki, weqede tik uchardiki 2 kishi bilen kichik ammiwiy ayropilanda olturghan 2 kishining hayatidin ayrilghanliqi qeyt qilindi.
saqchilar weqening sewebige alaqidar birer melumat bérishning baldurluq qilidighanliqini éytti. ayropilan xadimliri heqqidimu héch qandaq melumat bermidi.
engliye awéatsiye weqelirini tekshürüsh idarisimu saqchilar bilen birlikte tekshürüsh bashlighanliqini élan qildi.
