jenubiy koréye bir türküm shimaliy koréyeliklerni jaza tizimlikige kirgüzdi
jenubiy koréye, shimaliy koréye dairilirining yadro we bashqurulidighan bomba pirogrammisini meblegh bilen teminligenlikini ilgiri sürüp 18 kishige émbargo yürgüzüshni qarar qildi.
türkiye awazi radiyosi xewiri: yonxap xewer agéntliqi, séol dairilirining xitay, rusiye we liwiyede ishleydighan yuqiri derijilik shimaliy koréye bankirlirini qara tizimlikke kirgüzgenlikini xewer qildi.
séul hökümiti, shimaliy koréyege yürgüzgen bir terep émbargosi arqiliq pyongyangning yadro we bashqurulidighan bomba pirogrammisini meblegh bilen teminlesh yolini üzüp tashlashni közlimekte.
qara tizimlikke kirgüzülgenlerning isimliri jenubiy koréye resmiy gézitide élan qilindi.
jenubiy koréye tashqi ishlar ministirliqining bir emeldari, bashqa ellerde yashawatqan mezkur kishilerning shimaliy koréye bankilirigha wekillik qiliwatqanliqini we pyongyang dairilirini ammiwi qirghuchi qorallarni yasap chiqishta mohtaj boluwatqan meblegh bilen teminleshke tirishiwatqanliqini bildürdi.
b d t xewpsizlik kéngishi, pyongyang dairilirining séntebir éyidiki 6 -, shundaqla eng küchlük yadro siniqidin kéyin, shimaliy koréyening néfit émport qilishini meni qilishni qarar qilghanidi.
