7-qétimliq süriye söhbet yighini axirlashti

türkiye awazi radiyosi xewiri: 7-qétiliq süriye söhbet yighinida nurghunlighan mesililer muzakire qilindi. terepler, esirler we tutulghanlarni öz ara almashturush, qorshaw astidiki rayonlargha üzüldürmey insanperwerlik yardemlirini yetküzüsh mesililiride pikir birlikige kélelmidi. kapalet bergüchi döletler bolsa, mezkur mesililer üstide izdinish qarari aldi.

yighinning ikkinchi we axirqi künide, türkiye, rusiye, iran, beshshar esed hakimiyiti heyiti we süriye öktichiliri otturisida ayrim we köp tereplik uchrishishlar ötküzüldi. közetküchilik süpitide yighingha ishtirak qilghan amérika, iyordaniye we b d t wekillirimu uchrishishlargha qatnashti.

türkiye heyitige tashqi ishlar ministirliqining muawin meslihetchisi sedat önal bashchiliq qildi. gerche bu qétimliq yighinda, her mesilide kélishim royapqa chiqmighan bolsimu, emma terepler ortaq xitabname mezmuni üstide kélishti.

qazaqistan tashqi ishlar ministiri qayrat abdirahmanow ikki kün dawamlashqan yighinning xulase doklatini oqudi. u tereplerning burunqi yighinlarda qarar qilinghan süriye ichidiki jiddiychilikni peseytishke munasiwetlik urush toxtitishqa chong dairede boysunghanliqidin memnun bolghanliqlirini eskertti.

u öz ara ishenchni kücheytidighan tedbirler üstide toxtlip, méyitlarni tapshurush, iz-déreksiz yoqap ketken kishilerni tépish mesililirini hel qilishta oxshash pikirge ige ikenliklirini eskertti.

u rusiyening teklipige binaen b d t ning közitishi astida jenwede échiliwatqan süriye yighinigha maslashturghan halda süriyelikler arisida «milliy diyalog kongresi» ötküzüshni oylishishni qarar qilghanliqini bildürdi.

u 8-qétimliq astana yighinini dékabir éyining ikkinchi yérimida échishni oylashqanliqlirini eskertti.

süriye öktichiliri öz ara esirler we tutulghanlarni almashturush, qorshaw astidiki rayonlargha insanperwerlik yardemlirini yetküzüsh mesililiride kélishim tüzülmigenlikige qattiq naraziliq bildürdi.

süriye öktichiliri beshshar esed hakimiytiining kélishimge yéqin kelmigenlikini we süriyede urush toxtitishqa xilapliq qiliwatqanliqini qeyt qilmaqta.