trampning meslihetchisi jinayitini étirap qildi
pirézidént donald trampning saylam seperwerlik paaliyetliride meslihetchi bolghan papadopulosning rusiyege alaqidar teksürüshlerde yalghan sözligenliki bildürüldi.
türkiye awazi radiyosi xewiri: amérika pirézidénti donald trampning 2016-yildiki saylam seperwerlik paaliyetliri jeryanida tashqi siyaset meslihetchilkini qilghan jorj papadopulos fédératsiye tekshürüsh idarisi (FBI) gha, rusiyening bezi yuqiri derijilik emeldarliri bilen ötküzülidighan uchrishishlarni orunlashturush toghrisida yalghan éytqanliqini étirap qildi.
fédératsiye tekshürüsh idarisi mesulliri tekshürüsh daireside ismi tilgha élinghan amérika pirézidénti donald trampning saylam seperwerlik mezgilide meslihetchilik qilghan papadopulos heqqide yazma bayanat élan qildi. bayanatta, papadopulosning 2016-yili mart éyida rusiyening bezi yuqiri derijilik emeldarliri bilen körüshüshni orunlashturush toghrisida fédératsiye tekshürüsh idarisigha yalghan sözligenlikini étirap qilghanliqi eskertildi.
bayanatta, papadopulosning 5-öktebir jinayitini étirap qilghanliqi bildürüldi.
bayanatta yene, bundin burunmu rusiye délosigha mesul alahide hoquqluq teptish xadimi robért mullér teripidin soraq qilinghan we fédératsiye tekshürüsh idarisi teripidin inchike tekshürülgen papadopulosning, «bu uchrishishlarning orni, waqti we mezmuni» toghrisida fédératsiye tekshürüsh idarisining xadimlirini aldighanliqi qeyt qilindi.
papadopulos trampning saylam seperwerlik paaliyetlirige qatnashqanda, xelqara énérgiye adwokati bolup xizmet qilatti.
pirézidént tramp twittér arqiliq élan qilghan bayanatida, saylam seperwerlik paaliyetlirige mesul bolghan paul manafortqa qaritilghan eyibleshler bilen özining saylam seperwerliki otturisida héchqandaq munasiwetning yoqluqini ilgiri sürdi.
rusiye délosigha mesul alahide hoquqluq teptish xadimi robért mullér teripidin nurghunlighan mesililerde eyiblengen paul manafort etigende fédératsiye tekshürüsh idarisigha bérip, özini melum qilghan idi. manafort bilen birlikte eyiblengen we manafortning burunqi soda shériki rik géytismu özini melum qilghan idi.
bügün (31-öktebir) manafortning amérikagha tuzaq qurush, pul yuyush we bajni töwen melum qilish qatarliq 12 ayrim jinayet bilen eyiblinip sotlinidighanliqi bildürülgen idi.
biraq, manafort eyiblengen jinayetler bilen pirézidént trampning saylam seperwerliki otturisida biwaste baghlinishning bar-yoqluqining hazirche éniq emesliki qeyt qilinmaqta.
