yawropa ittipaqi muressechilik qilmaydu
yawropa ittipaqi kéngishining bashliqi donald tusk musteqilliq üchün référandum ötküzgen katalonya aptonom rayonluq hökümet bilen ispaniye hökümiti otturisida muressechilik qilmaydighanliqini bildürdi.
türkiye awazi radiyosi xewiri: yawropa ittipaqi kéngishining reisi tusk bilen yawropa ittipaqi komitétining bashliqi jankér yawropa ittipaqi aliy rehberler yighinidin kéyin, muxbirlarni kütüwaldi.
donald tusk ispaniye bash ministiri mariyano rajoy bilen izchil alaqe qiliwatqanliqini eskertip: «ispaniyediki weziyetning kishini endishege salidighan derijide ikenlikini yoshurushqa kérek yoq, biraq méning yawropa ittipaqi kéngishi we eza döletlerning bu mesilidiki meydanimiz nahayiti éniq. muressechilik, xelqaraliq étibar bérish yaki heriket qilish üchün bir boshluq yoq» dédi.
u yene, yawropa ittipaqi rehberliri üchün mezkur mesilini muzakire qilidighan seweb yoqluqini bildürüp: «ispaniyediki weziyet küntertipimizde emes, hemmimizning mesilige munasiwetlik qarashliri bar, biraq mesilige resmiy qarighanda, yawropa ittipaqining arilishishi üchün boshluq yoq» dédi.
ispaniyening sherqige jaylashqan katalonya aptonom hökümitining reisi karlés merkiziy hökümet bilen otturidiki mesililerni hel qilish üchün xelqaraliq muresse telep qilmaqta.
