türkiye yoluchilarni saqchi iti arqiliq tekshürgen awistiriyege naraziliq bildürdi
türkiye tashqi ishlar ministirliqi türkiye hawa yolliri shirkiti yoluchilirini wiyana sichwéchat ayrodurumida saqchi iti arqiliq tekshürgen awistiriyege naraziliq bildürdi.
türkiye awazi radiyosi xewiri: tashqi ishlar ministirliqi teripidin bu heqte élan qilinghan yazma bayanatta, wiyana sichwéchat ayrodurumida bir tamozhna xadimining ayropilangha qobul qilinish üchün salonda kütüwatqan türkiye hawa yolliri shirkiti yoluchilirini we ularning nerse – kéreklirini saqchi iti arqiliq tekshürgenliki, bu weqening körünüshlirining ammiwi taratqularda tarqalghanliqi eskertildi hemde buninggha asasen, shu kéchisi wiyana bash konsulxana mesullirining derhal ayrodurumgha yétip bérip, neq meydanni közdin kechürgenliki tekitlinip mundaq déyildi: «bundaq tekshürüshlerning axbaratqa asasen we nadir halda barliq ayrodurumlarni öz ichige alidighan shekilde élip bérilghanliqi otturigha chiqti. weqedin kéyin wiyana bash elchixanimiz heriketke ötüp, buni awistiriye dairilirige bildürdi hemde bolupmu tamozhna xadimlirini agahlandurushini telep qildi. awistiriye dairilirimu bundaq sezgür mesililerde buningdin kéyin diqqet qilidighanliqi toghruluq wede berdi.»
مۇناسىۋەتلىك خەۋەرلەر
yéngi zélandiye ghezzege qoshumche iqtisadiy yardem béridu
yéngi zélandiye ghezzege 5 milyon dollar qoshumche iqtisadiy yardem béridu.