b d t ni islah qilish sadaliri kücheymekte

türkiye awazi radiyosi xewiri: b d t bash katipining bayanatchisi stéfan dujarik kündilik axbarat élan qilish yighinida, bash katip gutérs bilen pirézidént trampning körüshidighanliqini we körüshüshte ortaq mesililerning muzakire qilinidighanliqini éytti.

körüshüshte yene, xelqaraliq jemiyetni bir yerge jem qilghan eng chong munber hésablinidighan 193 dölet ezasi bar b d t ning qurulmisidiki islahat telepliri we tramp hökümiti chékinishni yaki qaytidin muzakire qilishni telep qilghan iran yadro söhbiti qatarliq mesililerning muzakire qilinidighanliqi bildürülmekte.

b d t omumiy kéngishining 72-nöwetlik yighinigha qatnashqan dunya rehberliri 1945-yili qurulghan b d t ning bügünki ehwallargha mas kelmeydighanliqini tekitlep, islah qilish teleplirini otturigha qoyghan idi. amérika pirézidénti donald tramp izchil tenqid qilip kelgen b d t ning, islah qilinmisa bedel pulini azaytidighanliqlirini eskertip, tunji qatnashqan b d t omumiy kéngishi yighinida islah qilsh chaqiriqini tekrarlighan idi. bu yil (2017) ning béshida bash katipliq wezipisige teyinlengen gutérsmu b d t ni tenqid qilip, islahatning zörür ikenlikini tekitligen idi.

b d t bash katipi gutérs aprél éyidiki washington ziyaritide pirézidént tramp bilen nahayiti qisqila körüshken idi.