yawropa ittipaqi komitétining bashliqi «musteqilliq référandumi» ni qollimasliqimning sewebi
yawropa ittipaqi komitétining bashliqi jan kilod yunkér yawropada bölünüsh xahishlirining otturigha chiqishidin endishe qilghanliqi üchün ispaniyening kataloniye aptonom rayonida ötküzülgen «musteqilliq référandumi» ni qollimighanliqini éytti.
türkiye awazi radiyosi xewiri: yunkér liyuksémborg uniwérsitétida qilghan sözide, bashqa rayonlarnimu jasaretlendüridighanliqi we buning yawropa ittipaqini qiyin ötkelge duchar qilidighanliqi üchün kataloniyede 1 – öktebir küni ötküzülgen «musteqilliq référandumi» gha qarshi chiqqanliqini tekitlep mundaq dédi: «bizge munasiwetlik ish bolmisimu, emma katakloniyege yol qoysaq, bashqa rayonlarmu buningdin ilhamlinip heriketke ötüshi mumkin. men bundaq ehwalning otturigha chiqishini xalimaymen. yawropada bölünüsh xahishlirining otturigha chiqishidin endishe qilghanliqim üchün ispaniye bash ministiri mariano rajoyning weziyetni kontrol qilish siyasitini qollidim we <musteqilliq référandumi> gha qarshi chiqtim.»
katalanlarning référandumdin kéyin yawropa ittipaqi bilen özliri otturisida muressechilik qilish teklipi toghriliqmu toxtalghan yunkér, peqet birla terepning telipige asasen muressechilik qilishqa bolmaydighanliqini, komitét bashliqi bolush süpiti bilen bash ministir rajoyning ispaniyening bu ichki mesilisini bir terep qilalaydighanliqigha ishinidighanliqini qeyt qildi.
