ispaniye saqchiliri katalan télégraf idarisigha bésip kirdi

türkiye awazi radiyosi xewiri: ispaniye saqchiliri katalan hökümitining télégraf idarisigha tuyuqsiz bésip kirdi.

la wanggurdia géziti (La Vanguardia) ispaniye saqchilirining ete ötküzülüshi pilanlanghan biraq madrid hökümiti teripidin qanunsiz élan qilinghan musteqilliq référandumidin (omumiy xelq bélet tashlash paaliyiti)ilgiri katalan hökümitining télégraf we uchur-alaqe téxnologiyesi idarisigha bésip kirgenlikini uqturdi.

gézit bu xewerni bir yerlik radiyoning uchurigha asasen xewer qildi.

ispaniye ichki ishlar ministirliqi saqchilarning bu herikitini hazirghiche mueyyenleshtürmidi.

ispaniyede ötken jüme küni bir sotchi gugul (Google)gha qanunsiz élan qilinghan katalan musteqilliq référandumi toghruluq melumat bilen teminleydighan bir sistémini éliwétishke yolyuruq bergenidi, gugulmu sotchining yolyurqi boyiche bu sistémini éliwetkenidi.

katalan hökümiti madrid hökümitining tosalghulirigha qarimay 2300din artuq awaz bérish merkizining teyyarlanghanliqini uqturdi. tünügün katalanliqlar xelqning musteqilliq référandumini qollishi üchün axirqi qétim yighilish ötküzdi.  

ray sinashqa qarighanda katalanliqlarning köp qismi musteqilliq bolmisimu musteqilliq référandumi ötküzülüshini xalaydiken.