trampning küyoghli üstidin tekshürüsh bashlandi
amérika pirézidénti donald trampning meslihetchisi we küyoghli jérid kashnér üstidin dölet ishlirigha munasiwetlik xet-alaqilirini shexsiy élxet adrésidin qilishi sewebidin tekshürüsh bashlandi.
türkiye awazi radiyosi xewiri: démokrat partiyening kongre ezasi élayja kamings pirézidént trampning küyoghli kashnér üstidin tekshürüsh bashlidi. tekshürüshte, 2016-yildiki saylam seperwerlik paaliyetliride démokrat partiyening pirézidént namzati hilari klinton üstidinmu oxshash tekshürüsh élip bérilghanliqi misal qilip körsitildi we xelqning bu xet-alaqilerge munasiwetlik heqiqiy ishlarni bilish heqqining barliqi eskertildi.
kongre ezasi kamings kashnérdin bu élxetlerni öchürüwétishni we tekshürüshning dawami üchün özlirige ewetip bérishni telep qildi.
aqsaray bayanatchisi sara sandérs bu heqtiki soallargha: «méning bilishimche, nahayiti az xet-alaqiler bu yol bilen qilinghan» dep jawab berdi.
kashnérning adwokati shexsiy élxet adrésidin qilinghan özara alaqe sanining 100 din ashmaydighanliqini bildürgen idi.
pirézidént donald tramp 2016- yildiki saylam seperwerlik paaliyetliri boyiche, hilari klintonning tashqi ishlar ministiri bolup wezipe ötigen waqtida shexsiy élxet adrési arqiliq alaqe qilghanliqini teqid qilghan we buni saylamning matériyaligha aylandurghan idi. pirézidént tramp eyni waqitta yene, klintonning bu sewebtin türmige kirishige kapaletlik qilidighanliqinimu ilgiri sürgen idi.
