shiwéyétsariyening hajetxaniliridin baghlam - baghlam pul tépildi
jenwe teptish idarisi bu pullarning qeyerdin kelgenlikini we bu pullar bilen jinayet ötküzülgen yaki ötküzülmigenlikini éniqlashqa tirishiwatqanliqini bildürdi.
türkiye awazi radiyosi xewiri: shiwéyétsariyening paytexti jenwediki hajetxanilardin pilastikqa oralghan minglarche yawro tépildi.
mesullar buninggha qarita «pewquladde ghelite ehwal» dep baha berdi we her biri 500 lük pullar bilen baghlanghan yawrolarning zadi kimge tewe ikenlikini tekshürüsh xizmetliri bashlandi.
«shiwéyétsariye birleshme bankisi»gha yéqin jaydiki 3 ristoranning hajetxaniliridin tépilghan, her biri 500 lük pullardin teshkil tapqan baghlam baghlam pullarning chuwulghan halda hajetxanining ichige tashlinip, üstige su aqquzulghanliqi bayqaldi.
jenwe teptish idarisidin élan qilnghan bayanatta, «bu pullarning qeyerdin kelgenlikini we bu pullar bilen jinayet ötküzülgen yaki ötküzülmigenlikini éniqlashqa tirishiwatimiz» déyildi.
su tusulup qilip, buzulghan hajetxana turubba léniyelirini échish üchün minglighan yawro chéqim qilindi.
yawropa merkiziy bankisi 500 lük yawrolarning qanunsiz ishlarni asanlashturidighanliqidin ensirep, 2018 – yilining axirighiche 500 lük yawroni ishlitishni toxtitidighanliqini élan qilghan idi.
