israiliyede radikal yehudiylar bilen saqchilar otturisida toqunush yüz berdi
quddusta radikal ortodokis harédiy yehudiyliri kochilargha tosaqlarni qorup namayish ötküzdi.
türkiye awazi radiyosi xewiri: israiliyede radikal ortodokis harédiy yehudiyliri herbiylikke bérishni ret qilghanliqi sewebidin yene saqchilar bilen toqunush yüz berdi. toqunushta, 8 kishi nazaretke élindi.
harédiy yehudiyliri israiliyede turushlirining asasliq meqsitini yehudiy sheriitini öginish we emeliy ijra qilish dep qaraydu. shunga, ular sot mehkimisining herbiylikke qatnishishi kérelikige dair chiqarghan qararigha quddusta naraziliq namayishi ötküzdi.
namayishchilar yollargha tosaqlarni qurghandin kéyin, saqchilar qattiq mudaxile qildi.
saqchilar tash étiwatqan harédiy yehudiylirigha yuqiri bésimliq su bilen tarqitiwetmekchi boldi.
israiliyede puqralarning mejburiy eskerlikke qatnishish mudditi 3 yil bolup, qara renglik kiyimliri we chachlirigha sikilek qoyuwélishi bilen tonulghan harédiy yehudiyliri bolsa, eskerlikke bérishni ret qilip, köpinche namayish ötküzidu we saqchilar bilen toqunushup turidu.
radikal ortodokis harédiy yehudiyliri israiliye omumiy nopusining %10 ni teshkil qilidu we israiliyede bashqa guruppilar bilen eng köp chiqishalmaydighan guruppa bolup hésablinidu.
harédiylerning asasliq köp qismi diniy wezipilirini ijra qilishni aldinqi pilangha qoyup, eskerlikke bérishni ret qilidu.
harédiy yehudiyliri laikliq (sikolarizm) asasidiki dölet maarip sistémisinimu qobul qilmaydu. perzentlirini peqetla diniy telim béridighan özliri achqan mekteplerde oqutidu.
