tramp baliliqini ötküzgen öy musapirlarni kütüwaldi
amérika pirézidénti donald trampning niyu yorkta baliliq mezgilini ötküzgen öy musapirlarning dunya rehberlirige xitab qilish sehnisige aylandi.
türkiye awazi radiyosi xewiri: xelqara kembeghellikke qarshi küresh teshkilati (Oxfam) öy-zémin soda tori «Airbnb» de kéchiliki 725 dollardin ijarige bérilidighan öyni b d t omumiy kéngesh yighinidin burun musapirlar kirizisige diqqet tartish üchün ijarige aldi.
xelqara kembeghellikke qarshi küresh teshkilatining amérikadiki insanperwerlik yardem ishlirigha mesul diréktori shenon skaraybnir bu heqte toxtilip: «tramp we bashqa dunya rehberlirige, musapirlargha ige chiqish üchün téximu köp ishlarni qilishi kéreklikini bildüridighan küchlük signal bérishni ümid qilduq» dédi.
xelqara kembeghellikke qarshi küresh teshkilati shenbe (16-séntebir) küni öyde turushqa teklip qilghan töt neper musapir bashtin kechürgenlirini muxbirlargha sözlep berdi. 2012-yili ayali we üch balisi bilen amérikagha kelgen 41 yashliq süriyelik musapir ghassan alchahada: «süriyediki toqunush bashlinishtin burun amérikagha kélishni xiyal qilattuq, hazir bizning xiyalimiz emelge ashti» dédi.
donald tramp hökümitining süriyeni öz ichige alghan nopusining köp qismini musulmanlar igileydighan alte döletke qoyghan wiza cheklimisidin kéyin hayatining özgergenlikini éytti. u: «yéshil kart alalaymen we dölitimge baralaymen dep ümidim bar idi, biraq tramp pirézidéntliqqa saylanghandin kéyin dölitimge bérishqa jüret qilalmidim. trampqa bu öyde uxlighanda qandaq oylarda bolghanliqini semige sélish üchün keldim, baliliq péti turghan, merhemetlikini we aq köngüllükini yoqitip qoymighan bolsa idi, uning aliyjanap adem ikenklikini éytqan bolar idim» dédi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
