b d t bash katipi shimaliy iraq rayonluq hökümetni agahlandurdi
b d t (birleshken döletler teshkilati) bash katipi antoniyo gutérs shimaliy iraq rayonluq kürt (kord) hökümitining bir tereplimilik bilen référandum ötküzüsh qararining térrorluq teshkilati daishqa qarshi küreshke kölengge chüshüridighanliqi toghrisida agahlandurdi.
türkiye awazi radiyosi xewiri: b d t bash katipining bayanatchisi shimaliy iraq rayonluq hökümet pilan qilghan référandum qarari toghrisida bayanat élan qildi. bayanatta, bash katip gutérsning iraqning igilik hoquqigha, zémin pütünlükige, birlikige hörmet qilidighanliqi؛ iraq merkiziy hökümiti bilen shimaliy iraq rayonluq hökümiti otturisidiki mesililerning diyalog we mesilini hel qilidighan muresse yoli bilen hel qilinishi kéreklikige ishinidighanliqi bildürüldi.
bash katip gutérsning tereplerni mesilige sewrchanliq we salmaqliq bilen yéqinlishishni chaqiriq qilghanliqi eskertilgen bayanatta, b d t ning barliq tirishchanliqlarni qollashqa teyyar ikenliki tekitlendi. bayanatta mundaq déyildi:
«bash katip hazir référandum ötküzüsh toghrisidiki bir tereplime qararning, térrorluq teshkilati daéshqa qarshi küreshke, qayturuwélinghan rayonlarni qaytidin qurup chiqishqa, 3 milyondin artuq musapir we dölet ichide öy-makanliridin ayrilishqa mejbur bolghan kishilerning bixeter halda yurt-makanlirigha qaytishigha kölengge chüshüridu dep qaraydu.»
