ispaniyede «musteqilliq référandumi kirizisi»barghanche keskinleshmekte

türkiye awazi radiyosi xewiri: ispaniyening sherqige jaylashqan katalonyada musteqilliq heriketliri seweblik yerlik hökümet bilen ispaniye hökümiti otturisida yüz bergen sürkilishler barghanche keskinleshmekte.

ispaniye hökümiti, sot mehkimiliri we teptish organlirining qararining eksiche, 1-öktebirde musteqilliq référandumi ötküzidighanliqlirini jakarlighan hakimiyet béshidiki katalonya«junts pel si» (musteqilliq uyushmisi)ittipaqi seperwerlik paaliyiti bashlidi.

«junts pel si» (musteqilliq uyushmisi)ittipaqi tarrragona shehiride élip barghan seperwerlik paaliyitini rayondiki bashqa ammiwi teshkilatlarmu qollidi.

«merhaba yawropa, merhaba jumhuriyet, merhaba dölitimiz»dégen mezmunda yézilghan lozunkilar ésilghan zalda élan qilinghan bayanatta mundaq déyildi: «pütkül dunya hakimmutleq bir döletke qarshi küresh qiliwatqanliqimizni perq étishke bashlidi, biz tehdit xalimaymiz, biraq qorqupmu qalmaymiz, tarixni özgertishke qurbimiz yétidu we 1-öktebirde awaz bérimiz.»

katalonya aptonom hakimiyiti bashliqi karlés puydémontmu mundaq dédi: «beziler 1-öktebirde awaz bérelmeyghanliqimizni oylap qéliwatidu, 1-öktebirde néme bolidu dep oylap qaldinglar? elwette awaz bérimiz, katalonyada biz démokratiyeni yaqilighuchilarmiz.»

ispaniye hökümiti référandum bilen seperwerlik paaliyitining qanunsiz ikenlikini uqturup, bu paaliyetlerni teshkilligüchilerning kélip chiqidighan aqiwitige choqum mesul bolush bilen agahlandurulghanliqini bildürdi.

ispaniye teptish idariliri  katalonyadiki xewpsizlik küchlirige bu hepte ötküzülidighan seperwerlik paaliyetlerige tosalghu bolushqa yolyuruq bergen bolsimu, yerlik hökümet yaki merkiziy hökümet saqchilirining  paaliyetlerge arilashmasliqi diqqet qozghidi.  

ispaniye sot mehkimisi musteqilliq référandumini toxtitish üchün yéngi qedemlerni tashlashni dawmlashturmaqta.

barsélona teptish idarisi katalonya parlaménti teripidin musteqilliq référandumi üchün békitilgen saylam kéngishining 5 ezasi üstidin erz qildi.