trampning térrorizmgha qarshi küresh ishliri meslihetchisimu aqsaraydin ayrildi

türkiye awazi radiyosi xewiri: sébastian gorka, yéqinqi bir ay ichide tramp hökümiti bilen widalashqan aqsaraydiki beshinchi meslihetchi bolup qaldi. gorkaning wezipisidin istépa bérishi yaki istépa bérishke zorlinishi, trampning bash istratégiye mutexessisi stéw bannon bilen ötken hepte yollirini ayrishidin kéyin kütülüwatqan bir ish idi.

dölet xewpsizliki we térrorizmgha qarshi küresh saheliride oxshash qarashlarni ilgiri süridighan gorka bilen bannon, tramp hökümitide wezipe öteshtin ilgiri, Breitbart News da birlikte xizmet qilatti.

gorganing aqsaraydin ayrilishida, bir qanche hepte ilgiri aqsarayning mexsus katip mudirliqi wezipisini üstige alghan jon kélléyning muhim rol oynighanliqi eskertilmekte.

kélliyning wezipe öteshke bashlishidin kéyin, aqsarayda körülgen pewquladde xizmetchi almashturush netijiside wezipisidin istépa bergen yaki xizmettin heydelgenler arisida mexsus katip mudiri riéns priébus, bayanatchi séan spisér, alaqe ishliri diréktori antony saramukki, bash istratégiye mutexessisi stéw bannon we térrorizmgha qarshi küresh ishliri meslihetchisi sébastian gorka qatarliqlar bar.