engliyede térrorluq endishisi ashmaqta

türkiye awazi radiyosi xewiri: engliye saqchiliri paytext londonda her yil awghust éyida ötküzülidighan «Notting Hill» féstiwalidin ilgiri yüzligen kishini nazaretke aldi.

london saqchi dairiliridin élan qilinghan bayanatta, yekshenbe künidin étibaren bu ataqliq paaliyetke qatnashquchilarning bixeterlikini qoghdash tedbirlirini yuqiri pellige chiqirish meqsitide paytext miqyasida nurghunlighan jaylargha bésip kérip tekshürüsh élip bérilghanliqini éytti.

engliye mesulliri tekshürüshlerde texminen 340 kishining her xil jinayetler bilen eyiblinip nazaretke élinghanliqini, 190 kesküchi eslihe, 18 qoral we zeherlik chékimlik maddilirining qolgha chüshkenlikini uqturdi.

saqchilar nazaretke élinghanlardin bezilerning képillik bilen qoyup bérilgenlikini biraq féstiwalgha qatnishishi meniy qilinghanliqini éytti.

engliye amanliqni saqlash dairiliri tekshürüsh herikitide 100 din artuq memurning wezipe ötewatqanliqini, tekshürüshning hepte axirighiche dawamlishidighanliqini tekitlidi we féstiwalda qatnashquchilarning bixeterlikini aldinqi orungha qoyuwatqanliqini eskertti.

londonning gherbidiki ataqliq «Notting Hill» mehelliside her yili awghust éyining axiriqi yekshenbe küni ötküzülidighan 2 künlük féstiwal, yawropa boyiche eng chong kocha yighilishi bolupmu hésablinidu.

aldinqi yillarda texminen 5000 saqchi féstiwalda wezipe öteshke belgilengen bolup, bu yil xelq zich yerlerde térrorluq hujumlirining yüz bérish éhtimaligha qarshi nurghun sanda puqrache kéyingen qoralliq saqchilarning wezipige teyinlinishi mölcherlenmekte.

engliye mesulliri térrorluq hujumi yüz bérip qilish éhtimaligha qarshi féstiwalda piyade kishiler ishlitidighan we guruppilar ötidighan jaylarghimu qushumche bixeterlik tedbirliri yolgha qoyushni pilanlimaqta.

féstiwalgha texminen 1 milyon késhi qatnishidighan bolup, aldinqi yili 2 künde 240 tin artuq kishi qolgha élinghan we 4 kishi pichaqliq hujumgha uchrighan idi.