giwatémalada qoralliq hujum qilish weqesi yüz berdi
bir jinayet shaykisi ezaliri ottura amérika döliti giwatémaladiki rozwélt doxturxanisi tewelikige qoralliq basturup kirip éghir qalaymiqanchiliq tughdurdi.
türkiye awazi radiyosi xewiri: bir türküm qoralliq kishilerning ottura amérika döliti giwatémaladiki rozwélt doxturxanisi tewelikige basturup kirip etrapqa oq chiqirishi netijiside 7 adem öldi, köp sanliqining ehwali éghir bolup jemiy 12 adem yarilandi.
paytext giwatémaladiki rozwélt doxturxanisining muawin mudiri hujum toghrisida melumat bérip, buninggha oxshash hujumlarning buningdin ilgirimu yüz bergenlikini, hökümettin doxturxanining bixeterlikini qoghdash üchün qoshumche chare – tedbirlerni yolgha qoyushini telep qilghanliqlirini eskertti.
giwatémala saqchi tarmaqliri, hujumni sadir qilghanliqi ilgiri sürülgen mara salwatrucha jinayet shaykisining ezasi 5 kishining qolgha élinghanliqini bildürdi.
giwatémala ichki ishlar ministirliqining bu heqtiki bayanatida bolsa, hujumchilarning bezi tébbiy tekshürüshlerdin ötküzüsh üchün türmidin doxturxanigha élip bérilghan bashliqi andérson daniél kabrérani qutquzush üchün, mezkur hujumni qozghighanliqi qeyt qilindi.
