burkina fasodiki térrorluq hujumida ölgenlerning arisida bir türkning barliqi bildürüldi
burkina faso uchur – alaqe ishliri ministiri we hökümet bayanatchisi remis dandjinu, paytextning waméh kurumah yoli boyidiki bir réstoranda yérim kéchide qoralliq hujum qilish weqesi yüz bergenlikini bildürdi.
türkiye awazi radiyosi xewiri: burkina fasoning paytexti wagadugudiki bir réstoranda qoralliq hujum qilish weqesi yüz bérip, 18 adem öldi, 8 adem yarilandi.
burkina faso uchur – alaqe ishliri ministiri we hökümet bayanatchisi remis dandjinu hujum toghrisida bayanat bérip, paytextning waméh kurumah yoli boyidiki bir réstoranda yérim kéchide qoralliq hujum qilish weqesi yüz bergenlikini, hujumda biri türk bolup jemiy 18 ademning ölgenlikini, 8 ademning yarilanghanliqini qeyt qildi we hujumning bir térrorluq hujumi ikenlikini sözlirige ilawe qildi.
hazirghiche héchqandaq terep hujumning jawabkarliqini üstige almidi.
bu jeryanda, türkiye burkina fasoda meydangha kelgen hujumni eyiblidi؛ türkiye tashqi ishlar ministirliqi bayanat élan qilip, hujumda bir türkiye puqrasining hayatidin ayrilghanliqini, yene birining yarilanghanliqini eskertti we türkiyening bu hujumni qattiq eyibleydighanliqini bildürdi.
