chégrasiz doxturlar teshkilati: sehiye saheside éghir yétersizlik bar
chégrasiz doxturlar teshkilati, yemende xoléra baktériyesidin yuqumlanghan 82 ming adem bilen urushta yarilanghan 67 ming ademni dawalighanliqini uqturdi.
türkiye awazi radiyosi xewiri: chégrasiz doxturlar teshkilati yazma bayanat élan qilip, sehiye xadimlirining yéqinqi ikki yil besh ayliq jeryanda, ayallar we balilarni öz ichige alghan 67 ming yaridarni؛ aprél éyidin buyan bolsa, xoléra baktériyesidin yuqumlanghan 92 ming bimarni dawalighanliqini bildürdi.
yemenning 12 wilayitidiki 40 doxturxanigha sehiye sahesi boyiche yardem qiliniwatqanliqi eskertilgen bayanatta, urush sewebidin sehiye saheside éghir yétersizliklerning körülüwatqanliqi, tébbiy xizmetlerde nuqsanlarning barliqi, shunga milyonlarche kishining yardemge mohtaj halette turuwatqanliqi toghrisidiki uchurlarghimu orun bérildi.
teshkilat, xelqara organlarni yemen xelqige yar – yölek bolushni kücheytishke chaqirdi.
ikki yildin artuq waqittin buyan dawamlishiwatqan toqunushlar tüpeyli, dölet ichide yurt – makanidin ayrilip qalghan 3 milyongha yéqin yemenlikning, pakiz ichimlik süyining yoqluqi we kéreksiz nersilerning bir terep qilinmasliqi netijiside her küni dégüdek xoléra baktériyesini yuqturuwélish xewpi astida ikenliki tekitlendi.
b d t, yemendiki xoléra baktériyesining asasen dégüdek pütkül dölet miqyasigha kéngeygenlikini, 2 minggha yéqin ademning xoléra yüzisidin hayatidin ayrilghanliqini élan qilghanidi.
uzundin buyan siyasiy muqimsizliq höküm sürüwatqan yemende, husiylar we uni qollap – quwwetlewatqan aghduruwétilgen pirézidént eli abdullah salih terepdari bilen seudi erebistan bashchiliqidiki xelqara ittipaqdash küchlerning qollishi astidiki qanunluq hökümet küchliri arisidiki toqunushlar, döletning bezi sheherliride dawam qilmaqta.
مۇناسىۋەتلىك خەۋەرلەر
gérmaniyede bir qehwexanida partlash yüz berdi
gérmaniyening kölin shehiridiki bir qehwexanida yüz bergen partlashta ikki kishi yénik yarilandi.
