firansiyediki hujumni sadir qilghuchining kimliki éniqlandi
firansiyening paytexti parizhning léwallois – pérrét rayonida tünügün charlash élip bériwatqan eskerlerge hujum qilghan kishining kimliki éniqlandi.
türkiye awazi radiyosi xewiri: xewpsizlik menbeliri, üchining ehwali éghir bolup jemiy 6 eskerni yarilandurghandin kéyin, hujumda ishletken aptomobilini heydep parizhdin döletning shimaligha jaylashqan kalais terepke qéchiwatqan esnada, hujumchi bilen saqchilar arisida toqunush yüz bergenlikini, toqunushta bir saqchining yarilanghanliqi, bedinige besh pay oq tegken hujumchining yaridar halette qolgha chüshürülgenliki qeyt qilindi.
hujumchining 1980 – yili dunyagha kelgen hamou b. ikenliki, uning parizhning chet yaqisidiki öyi we uning etrapining tekshürülgenliki bildürüldi.
parizh térrorizmgha qarshi küresh teptish mehkimisi, hujumning tekshürülüwatqanliqini, firansiye ichki istixbarati we qanun doxturxanisi bash diréktorining tekshürüshke yétekchilik qilidighanliqini bildürgenidi.
