wiéytnamliq jasuslarning gérmaniyedin bir ademni xupyane tutup dölitige élip ketkenliki bildürüldi
gérmaniyedin panahliq tiligen bir wiyétnam puqrasi, öz dölitining dölet bixeterlik xadimliri teripidin xupiyane halda tutup kétildi.
türkiye awazi radiyosi xewiri: gérmaniye tashqi ishlar ministirliqi bayanatchisi shafér, dölitidin panahliq tiligen bir wiyétnam puqrasining mezkur döletning dölet bixeterlik idarisi xadimliri teripidin bérlinda élip qéchilghanliqini élan qildi we bu ehwalni hem gérmaniye qanunlirigha hemde xelqara qanungha éghir xilapliq qilish hésablinidighanliqini sözlirige ilawe qildi.
gérmaniyening kéreklik qanuniy qedemlerni tashlashni bashlighanliqini we bu weqening ikki dölet munasiwetlirige éghir ziyan yetküzüsh mumkinchilikining barliqini eskertken shafér, bu sewebtin bérlindiki wiyétnam bash elchisining tashqi ishlar ministirliqigha chaqirtilghanliqini we mejburiy yosunda wiyétnamgha élip kétilgen kishining gérmaniyege qayturup bérilishining telep qilinghanliqini qeyt qildi.
gérmaniye metbuati, tutup kétilgen mezkur kishining kommunistik partiyening sabiq emeldari ikenlikini yazdi. xewerlerge qarighanda, trinx shuan isimlik mezkur soda – sanaetchi, buningdin ilgiri wiyétnam kommunistik partiyesining emeldari bolghan. ötken yili parlamént ezaliq wezipisidin élip tashlanghan we partiyedin qoghlap chiqirilghan.
wiyétnam dairiliri uni dölet organlirining milyonlarche dollirini qaqti – soqti qilish bilen eyiblimekte.
