birleshken döletler teshkilati yemenning acharchiliq xewpige duch kelgenlikini bildürdi

türkiye awazi radiyosi xewiri: birleshken döletler teshkilati insanperwerlik ishliri maslashturush ishxanisining doklatida eskertilishiche, dunya boyiche eng chong insaniy kirizislardin biri yüz bériwatqan yemende 5 yashtin töwen 2.3 milyon balimu yéterlik derijide uzuqlinishtin mehrum iken.

yemende xelqning üchtin ikkisining insanperwerlik yardem we qoghdinishqa muhtaj ikenliki qeyt qilinghan doklatta körsitilishiche, dölette xelq turalghu, yémek – ichmek, su we sehiye xizmetlirigimu jiddiy éhtiyajliq iken. amran wilayitige qarashliq hamir nahiyesi etrapidiki musapirlar lagérlirida yashawatqan aililer duch kéliwatqan qiyinchiliqlarghimu orun bérilgen doklatta qeyt qilinishiche, urush mesum insanlargha éghir ziyanlarni élip kelgen, jümlidin 3 milyondin artuq kishi dölettin qachqan, 2 milyon kishi öy – makansiz qalghan. dölettiki xoléra wabasighimu orun bérilgen doklatta bildürülüshiche, asasliq sehiye mulazimitining yoqluqi sewebidin dawalash mumkin bolidighan késellermu ölüp ketmekte iken.