seudi erebistan we behreyn: qatar 13 maddiliq telepni orunlisun
seudi erebistan bilen behreyn qatardin yolgha qoyuwatqan siyasetlirini tüzitishini we özidin munasiwetlirini üzgen döletler sunghan teleplerni orunlashni telep qildi.
türkiye awazi radiyosi xewiri: seudi erebistan bilen behreyn qatardin 13 maddiliq telepni orunlishi kéreklikini telep qildi. doha hökümitige qaritilghan bu telep, behreyn padishahi hamad bin isa alxelife bilen seudi erebistan weliehdi shahzade muhemmed bin selman jidde shehiride körüshkende otturigha qoyuldi.
behreyn «BNA» agéntliqi xewirige asaslanghanda, körüshüshte padishah alxelife behreynning xewpsizlik we muqimliqni kapaletke ige qilish bilen her xil xewp-xeter we chet ellerning arilishishigha qarshi küreshte her daim seudi erebistanni qollaydighanliqini bildürgen.
pars qoltuqi kirizisi 5-iyul seudi erebistan, ereb birleshme xelipiliki, behreyn we misir qatarliq döletlerning qatar bilen bolghan barliq munasiwetlirini üzüshi netijiside partlighan idi. mezkur töt dölet munasiwetlerning normallishishi üchün doha hökümitige 13 maddiliq telep tizimlikini sunghan bolup, qatar buninggha qarita xelqaraliq qanungha xilap her qandaq telepni qobul qilmaydighanliqini élan qilghan idi.
seudi erebistan, ereb birleshme xelipiliki, behreyn we misirning tashqi ishlar ministirliri buningdin kéyin qatar bilen bolghan munasiwetlerde tashlinidighan qedemlerni muzakire qilish üchün ikkinchi qétimliq yighinni behreynde ötküzgen idi.
yighin axirida, behreyn tashqi ishlar ministiri xalid bin ehmet alxelife xitabname élan qilip: «töt dölet, qatar térrorluqni qollashni, iqtisad bilen teminleshni, öchmenlik peyda qilish we qutratquluq peyda qilish xaraktérlik gep-söz qilishni, bashqa döletlerning ichki ishlirigha arilishishni toxtitip, rayon we dunyaning tinchliqi we muqimliqini qoghdishi kéreklikini mezmun qilghan 13 maddiliq telepni orunlaydighanliqi toghrisida semimiy wede bérip, bayanat élan qilghan ehwal astida diyalogni bashlashqa teyyar» dédi.
