émbargo yürgüzgüchi 4 dölet qiyin ehwalgha chüshüp qaldi... qatargha 6 maddiliq yéngi tizimlik sundi

türkiye awazi radiyosi xewiri: 5 – iyundin buyan qatargha émbargo yürgüzüp kéliwatqan ereb birleshme xelipiliki, behreyn, seudi erebistan we misir qiyin ehwalgha chüshüp qaldi؛ mezkur töt dölet, doha dairilirining qetiy we paal siyasetliridin kéyin chüshüp qalghan bu qiyin ehwaldin qutulushning yolini izdimekte.

émbargo yürgüzgüchi töt döletning buningdin ilgiri sunghan 13 maddiliq telepler tizimliki qatar teripidin ret qilinghandin kéyin, bu döletler «ashqunluqqa qarshi küresh» ramkisi astida, 6 maddiliq «pirinsiplar» tizimlikini doha dairilirige sunghan, doha ikkinchi telepnimu ret qilghanidi.

qatarning tewrenmey turushi netijiside seudi erebistanning b d t  da turushluq daimiy bash elchisi abdullah elmuellimi, 4 dölet namidin bayanat élan qilip, qatarni alte maddiliq yéngi «pirinsiplar tizimliki» ni qobul qilishta zorluqqa duch kelmeydu, dep oylaydighanliqini eskertti.

qatarning töt dölet tashqi ishlar ministirlirining 5 – iyuldiki yighinida chiqirilghan 6 türlük qararghimu riaye qilishi kéreklikini bildürgen muellimi, térrorizmgha qarshi küresh we öchmenlikni ulghaytidighan ishlarni öz ichige alidighan bu qaralargha riaye qilishning asan ikenlikini ilgiri sürdi.

bash elchi muellimi, eljezirening taqiwétilishining shert emeslikini tekitligen halda, «muhimi pirinsipta birdeklik hasil qilishimizdur» déyish arqiliq, töt döletning qatar pozitsiyeside özgirish bolghanliqining signalini berdi.

qatar, émbargo yürgüzgüchi 4 döletning 13 maddiliq telipini xelqara qanungha xilap, dep qarap, ret qilghanidi.