alimlar %70 janliq türining yoq bolup kétish girdabida turuwatqanliqini bildürmekte

türkiye awazi radiyosi xewiri: dunya kollikétip yoq bolup kétish xewipige duch kelmekte.

alimlar bu heqte élip barghan tetqiqatida janliq türlirining yoq bolup kétishidiki eng chong amilning insan ikenlikini bildürmekte.

melum bir ilmiy zhurnalda bu heqte élan qilinghan  maqalide süt emgüchi haywanlardin qushlarghiche bolup jemiy 27600 ming omurtluq haywan üstide tetqiqat élip bérilghanliqi yézildi.

maqalide tetqiq qilinghan haywan türlirining %30ning sanining izchil aziyiwatqanliqi bildürüldi.

mutexessiler «haywan türliri téz sürette yoq bolmaqta, aldimizdiki 100 yaki 150 yil ichide türlerning köp qismidin ayrilip qélish xetirige duch kélimiz»dep  körsetmekte.

bu tetqiqatqa asaslanghandahaywan türlirining yoq bolushidiki eng chong amil insan iken.

alimlar «barliq janliqlar hayatliqning mewjut bolup turushidiki muwazinetning bir qismidur, insanlar bolsa hayatliqni kapaletke ige qilidighan méxanizimini yoq qilmaqta»dégen qarashni otturigha qoymaqta.

insan nopusining téz sürette köpiyishi we heddidin ziyade istémal qatarliqlar nurghun janliq türi we buninggha baghliq halda insaniyetning yoq bolup kétishige seweb bolup qélishi mumkin.

alimlar buning aldi élinmighan teqdirde mushu esirning axirighiche janliq türlirining %70ning yoq bolup kétidighanliqini bildürmekte.