israiliye eskerliri bir pelestinlikni yaridar qildi
israiliye eskerlirining quddus we mesjidi eqsa etrapidiki mutihemliki dawamlashmaqta.
türkiye awazi radiyosi xewiri: israiliye eskerliri quddusning sherqide yüz bergen tuqunushta oq étip bir pelestinlikni éghir yaridar qildi.
quddustiki el isewiyye, surbahir we ebu dis rayonliri bilen shufat lagérida israiliye eskerliri bilen pelestinlik yashlar arisida toqunush yüz berdi.
neq meydanni körgen shahitlarning bildürüshiche, israiliye eskerliri rast oq we pilastik oq bilen yash oqquzush bombisi ishlitip pelestinliklerge mudaxile qilghan.
élan qilnghan bayanatta, bir guruppa israiliye eskerlirining quddustiki el maqasid doxturxanisigha bésip kirgenliki, biraq hazirgha qeder doxturxanida dawaliniwatqan yaridarlardin birersini tutqun qilghanliqigha alaqidar melumat kelmigenliki uqturuldi.
israiliye saqchiliri 14 – iyul jüme küni etigende mesjidi eqsada «qoralliq hujum qilmaqchi idi» dégenni ilgiri sürüp, 3 pelestin puqrasini étip öltürüshken we bu jeryanda yaridar bolghan 2 israiliye eskerining doxturxanida balnéstta ikenlikini élan qilishqan idi.
bayanatta mesjidi eqsaning derwazilirining taqiwitilgenliki we quddus rayonluq saqchi mudirliqining mesjidi aqsada namaz oqushqa ruxset bermeydighanliqi jakarlanghan idi.
