hamburg shehiridiki namayish jeryanida 213 saqchi yaridar boldi

türkiye awazi radiyosi xewiri: g 20 döletler guruhi aliy derijilik rehberler yighini ötküzüliwatqan gérmaniyening hamburg shehiride saqchilar namayishchilargha qattiq mudaxile qildi.

namayishchilar tosaqlargha ot qoyup berdi. nurghun sanda saqchi we  qoralliq qisim namayish paaliyetlirining merkizi hésablinidighan sichultérbilat kochisigha basturup kélip, namayishchilargha mudaxile qildi.

namayishchilar saqchilargha shishe we tash atti. saqchilar namayishchilarni tarqitiwétish üchün yuqiri bésimliq su ishletti.

namayishchilardin 265 kishi qolgha élindi we nurghunlighan namayishchilar etraptiki kochilargha qachti. weqede 213 saqchi yaridar boldi.

amanliqni saqlash qismliri kichik kochilardiki öylergimu basturup kirdi we ögzilirige chiqip orunlashti.

qattiq mudaxilidin kéyin saqchilar kochining bir qisimining kontirolluqi astigha élinghanliqini élan qildi.

sichanzénwértél rayonida bolsa, bezi namayishchilar kichik guruppilargha bölünüp, etrapqa ziyan sélishni we magzinlarni bolang - talang qilishni dawamlashturdi.

namayishchilar kéyinche sichilump rayonida tosaq qurdi. saqchilar derhal bu rayonni qatnashqa taqap, namayishchilargha mudaxile qildi.

yene bir tereptin bezi muxbirlar ijtimaiy taratqu we tor betliride hembehirleshken xewerliri arqiliq saqchilarning özlirge nachar muamile qilghanliqini tenqid qildi.

bild géziti muxbiri firank sichinédér saqchilarning udulla muxbirlargha hujum qilghanliqini bildürdi.

firank sichinédér bir saqchining «hazirdin bashlap axbarat erkinliki yoq. derhal bu yerdin yoqal! bolmisa doxturxanigha bérip qalisen» dégendek sözlerni ishletkenlikini hembehirleshti.

bashqa nurghunlighan ijtimaiy taratqu ishletküchilermu nex meydanni tartip hembehirlishishke alaqidar saqchilarning agahlandurushlirigha naraziliq bildürdi. 

hamburgda tünügün bashlanghan we sheherning bezi jaylirida toxtimay dawmlishiwatqan namayishlarda nurghunlighan aptomobillargha ot qoyup bérilgen idi.

namayishchilar tosaqlarni qurup ot qoyghan we saqchilar bilen namayishchilar otturiisida tuqunushlar yüz bergen idi.