G20aliy rehberler yighini bashlandi
ikki kün dawamlishidighan G20 dölet guruhi aliy rehberler yighini gérmaniyening hamburg shehiridiki körgezme merkizide bashlandi.
türkiye awazi radiyosi xewiri: G20 ning nöwetchi reis döliti- gérmaniyening bash ministiri angéla mérkél yighin échilidighan hamburg körgezme merkizide dunya rehberlirini kütüwaldi. rehberler arqidin «térrorluqqa qarshi küresh» témiliq yighingha qatnashti.
rehberler kolléktip resimge chüshkendin kéyin, «dunya iqtisadining éshishi we soda» témiliq xizmet yighinigha qatnishidu, «sijil tereqqiyat, kilimat we énérgiye» témiliq ikkinchi xizmet yighini axirlashqandin kéyin bolsa, kilassik muzika konsértigha ishtirak qilidu.
G20 yighinining ikkinchi künide, «afriqa bilen ortaqliq, köch we sehiye», «dijitallishish, ayallarni küchlendürüsh we ishqa orunlashturush» témiliq yighinlar échilidu. arqidin muxbirlarni kütüwélish yighini échilidu.
gérmaniyening «bir-birige tayinidighan dunya shekillendürüsh» shoari bilen bashlanghan yighinda, özining küntertipidin bashqa, térrorluqqa qarshi küresh, süriye we ukrainadiki öktichiler qatarliq xelqaraliq mesililer muhakime qilinidu.
