amérikida yene bir musulman qiz öltürüldi
dunyaning oxshimighan jaylirida musulmanlargha qarshi qiliniwatqan hujumlargha yene bir yéngisi qoshuldi. wirjiniye dalista bir musulman qiz hujumgha uchridi.
türkiye awazi radiyosi xewiri: amérikining wirjiniye ishtatidiki dalis rayonida 17 yashliq bir musulman qiz öltürüldi. mezkur weqe dalis musulmanlirining merkizi adams séntir (ADAM’s Center) de yashlar zohurluq üchün jamedin chiqip yéqin jaydiki réstorangha kétiwatqanda yüz berdi.
igilengen melumatlargha asaslanghanda, sani besh bolghan bir guruppa yash qizlar adams séntir jamesining yénidiki réstorangha kétiwatqanda qizil renglik bir aptomobil ularning yénida toxtighan. bu esnada, aptomobildiki kishi bilen qizlar otturisida qisqighine gep talishish bolghan. aptomobildiki kishi yerge chüshüp, kaltek bilen qizlarni qoghlighan, qizlar jamege qéchip kiriwlghan. aridin bir qanche minut ötkendin kéyin, jamege kiriwalghan qizlar 17 yashliq nebra hassanning arilirida yoq ikenlikini bayqighan. etisi chüshtin kéyin adams séntir jamesige üch kilométir kélidighan bir jayda nebra hassanning jesiti tépilghan.
dalis rayonining munasiwetlik dairiliri weqening öchmenlik qilish jinayiti emeslikini ilgiri sürdi. saqchi dairiliri bolsa, jinayetke irqiy yaki diniy ayrimichiliqning seweb bolghanliqini körsitidighan héchqandaq delil yoq dep qarimaqta.
adams séntir musulmanlar jamaiti dua qilip, yashlargha ige bolushni chaqiriq qildi. gherb metbuatliri musulmanlargha qaritilghan hujumlarni térrorluq hujumi emes, belki jinayi ishlar weqesi dep xewer qilmaqta.
nebra hassan üchün xatirilesh murasimi ötküzüldi. murasimgha qatnashqanlar bir tereptin, her xil lozunkilarni kötürüp térrorluq hujumini eyiblise, yene bir tereptin nebra hassan üchün gül-chécheklerni qoydi.
jinayet ötküzgenliki gumani bilen tutulghan darwin martinéz torrésni soraq qilish ishlirining dawamlishiwatqanliqi bildürüldi.
