rusiye amérikini süriyede demeshiqning maqulluqini élip heriket qilishqa chaqirdi

türkiye awazi radiyosi xewiri: rusiye tashqi ishlar ministiri sérgéy lawrow, béyjingda chaqirilghan altun kések döletliri tashqi ishlar ministirliri uchrishishidin kéyin ötküzülgen muxbirlarni kütüwélish yighinida, amérika bashchiliqidiki birleshme qisimlarning raqqede süriye armiyesining bir ayropilanini chüshürüwétishi toghrisida toxtilip, «süriyede yüz bergen ishlar toghrisida toxtilidighan bolsaq, süriyening musteqilliqi we zémin pütünlikige hörmet qilinishi lazim. quruqluqtiki her qandaq bir heriket üchün, demeshqning maqulluqi élinishi kérek» dégenlerni qeyt qildi.

rusiye, iran we türkiyening astana musapisige alaqidar tekliplerde süriye hökümiti bilen kélishkenlikinimu tekitligen lawrow, «pütkül terepler mushundaq heriket qilishi kérek. süriyediki bixeter rayonlar, ilgirilesh hasil qilish üchün, muwapiq tallashlarning biri. amérika qoshma ishtatliri we süriyede esker yaki danishmenliri bar barliq tereplerni hökümetning maqulluqi bilen qilghan xizmetlirimizge maslishishqa chaqirimiz» dédi.