portugaliyede nahayiti éghir dala ot apiti yüz berdi
portugaliyening pérdogaw rayonida tünügündin buyan dawamlishiwatqan dala ot apitide 57 adem hayatidin ayrildi.
türkiye awazi radiyosi xewiri: apet rayonini közdin kechürgen portugaliye ichki ishlargha mesul dölet ishliri katipi jorj gomés, 57 adem hayatidin ayrilghan ot apitide yene 59 ademning yarilanghanliqini؛ ot apitide yarilanghan 18 kishining balnistqa élinghanliqini, 4 nepiri ot öchürüsh xadimi bolup jemiy besh kishining yarilinish ehwalining éghir ikenliki bildürdi.
bildürülishiche, hayatidin ayrilghanlarning köp sanliqi aptomobilliri bilen ot yalquni ichide qalghuchilar iken.
küchlük hararet we shamalning tesiri bilen qisqa waqit ichide kéngiyip ketkenliki eskertilgen dala ot apiti éghir pajie keltürüp chiqardi, derexzarliq asasen külge aylinip ketti؛ ot apiti rayondiki öylergiche yétip bardi.
yüz bérish sewebi éniqlinalmighan otni öchürüshke 1500 din artuq ot öchürüsh xadimi ishtirak qilmaqta. ot öchürüsh xizmetlirige ishtirak qilish üchün ispaniye we firansiyedin ot öchürüsh ayropilanliri ewetildi.
igilinishiche, portugaliye miqyasida yéqinqi 24 saet ichide 156 jayda ot apiti yüz bergen.
