bogotadiki bir soda merkizide partlash yüz berdi
kolombiyening paytexti bogotadiki bir soda merkizide tünügün kechte partlash yüz bérip, 3 adem hayatidin ayrildi.
türkiye awazi radiyosi xewiri: bogota sheherlik hökümetning bashliqi énrik pénalosa, weqe yüz bergen soda merkizini közdin kechürgendin kéyin muxbirlarni kütüwélish yighini ötküzüp, yüz bergen bomba hujumida 3 ademning ölgenlikini, 9 ademning yarilanghanliqini bildürdi.
mehelliy taratqular, soda merkizining ayallar hajetxanisi jaylashqan teripide meydangha kelgen partlashta, 3 ayalning hayatidin ayrilghanliqini, ölgenlerdin birining firansiye puqrasi ikenlikini bildürdi.
bir terepte saqchilar rayonning bixeterlik tedbirlirini kücheytip, hawa we quruqluqtin charlash xizmetliri dawamlashturuwatqan bolsa, yene bir tereptin mutexessisler neq meydandiki tekshürüshlirini dawamlashturmaqta.
bu jeryanda, partlashtin kéyin yerlik taratqularda hujumni milliy azadliq teshkilatining sadir qilghan bolush éhtimalining barliqi toghrisida xewerler chiqti. biraq, milliy azadliq teshkilatining tinchliq söhbiti heyiti ijtimaiy taratqu arqiliq bayanat bérip, hujumni eyibleydighanliqlirini, bu hujumni teshkilatning sadir qilmighanliqini bildürdi.
