norwégiyede oqughuchilarning hijablinishi cheklendi
norwégiye maarip ministiri küz peslidin bashlap mekteplerde chümbel artishni we hijablinishni cheklesh qanun teklipining testiqlanghanliqini bildürdi.
türkiye awazi radiyosi xewiri: norwégiye maarip ministiri torbjorn ro (Torbjorn Roe) NRK téléwiziyeside bayanat élan qilip, ministirlar kéngishining chümbel we hijabqa oxshash yüzini pütünley étidighan kiyimlerni chekligen qanun teklipini testiqlighanliqini we mushu yaz (2017) din kéyin ijra qilinidighanliqini bildürdi.
norwégiye maarip ministiri yüzini pütünley étiwalghan oqughuchilarning oqutquchilar bilen özara alaqide qiyinchliqqa yoluqidighanliqini bildürüp: «oqughuchilarning netijilirining yaxshi bolushi üchün, oqutquchilar alaqe ornitishi lazim. bu sewebtin, yüzini étidighan barliq nersilerni cheklesh toghrisida qarar chiqarduq» dédi. u qanungha boysunmighanlargha héchqandaq jaza bérilmeydighanliqini eskertti.
2006-yili iskandinawiye döliti bolghan shiwétsiyedimu oxshash cheklime küntertipke kelgen bolup, mekteplerde ayrimchiliqni keltürüp chiqiridighanliqidin endishe qilinip, qanun teklipi qobul qilinmighan idi.
mektepler bash mudirliqi (Skolverket) ning bu heqte élan qilghan bayanatida: «mekteplerde diniy sewebler yüzisidin yüzini étiwalghan oqughuchilar oqutquchilar bilen özara alaqe ornitishi tosalghugha uchrisimu, ayrimichiliqni keltürüp chiqiridighanliqi üchün hijab we chümbellerning cheklinishi toghra emes. buning ornigha, oqutquchilar oxshimighan métodlardin paydilinip, oqughuchilar bilen téximu yaxshi alaqe ornitishi lazim» déyildi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
