marilend ishtati bilen washington d s tramp üstidin erz sundi

türkiye awazi radiyosi xewiri: démokratlardin bolghan washington bash teptishi bilen mariland ishtatining bash teptishi ortaq axbarat élan qilish yighini ötküzüp, trampning pirézidéntliqqa saylanghandin kéyin, soda ishliridin yiraq turmighanliqini we dawamliq chet döletlerdin kirim qilghanliqini ilgiri sürüp, sotqa erz sundi.

her ikki bash teptish trampning qayturulghan bajlarni élan qilmighanliqining özila bir chong mesile ikenlikini bildürdi.

washington d s bash teptishi trampning paytexttiki «tramp xelqara méhmanxanisi» din paydilinip, chet el shirketliridin kirim qilghanliqini, buni kongrege melum qilmighanliqini, shunga munasiwetlik qanunlargha xilapliq qilghanliqini eskertti. u mundaq dédi: «buningdin burun héchqandaq pirézidént asasiy qanunning maddilirigha bunchilik hörmetsizlik qilmighan idi.»

marilend ishtatining bash teptishi trampqa chétilidighan shirketlerning ishtattiki bashqa shirketlerge nisbeten «adaletsiz artuqchiliq» qa ige bolghanliqini we buning aldi élinishi kéreklikini bildürdi.

aqsaray bayanatchisi shan spaysir bu heqte toxtalghanda, her ikki bash teptishning démokratlardin ikenlikini, dewaning asassiz ikenlikini we buninggha munasiwetlik bir qanche qétim bayanat élan qilghanliqlirini bildürdi.

spaysir: «bu dewani yoq hésablap, ishimizni qiliwérimiz» dédi.

pirézidént tramp 2017-yili 20-yanwar wezipige olturushtin burun barliq soda munasiwetlirini oghulliri bashquridighan bir fondqa ötküzüp béridighanliqini élan qilghan idi. biraq, bügüngiche trampning wediside turmighanliqi ilgiri sürülüp, ayrim-ayrim üch qétim erz sunuldi.

fédératsiye sotchisi dewaning dawam qilishigha ruxset qilghan teqdirde, pirézidént trampning baj talonlirining birdin nusxilirini tapshurushi telep qilinidu.