ispaniyediki katalonya aptonom rayonida 1-öktebirde musteqilliq référandumi ötküzülidu
ispaniyening sherqidiki katalonya aptonom rayonida 1-öktebirde musteqilliq référandumi ötküzülidighanliqi bildürüldi.
türkiye awazi radiyosi xewiri: ispaniyening sherqidiki katalonya aptonom rayonida 1-öktebirde ötküzülidighanliqi uqturulghan musteqilliq référandumini qollash üchün barsélona shehiride namayish ötküzüldi.
on minglarche namayishchi xelqarani ispaniye hökümiti teripidin «qanunsiz»élan qilinghan bu référandumni qollashqa chaqirdi.
namayishqa manchistér siti putbol komandisining tirénéri josép guardiyolamu qatnashti.
guardiyola qoligha bir quruq sanduq bilen sehnige chiqip xitabnamining ingilizche nusxisini oqup ötkendin kéyin xelqara jemiyetni référandumni qollashqa chaqirdi.
«ispaniye hökümiti xalimisimu kélechekimizni özimiz belgilesh üchün référandumda bélet tashlaymiz»dégen ibarilerge orun ajritilghan xitabnamide «hakim mutleq bir döletning barliq bésimlirigha qarimay yawropa we dunyadiki barliq démokratik shexslerni bizni qollashqa chaqirimiz, katalanliqlarning teleplirige yégane jawab référandumda bélet tashlashtur.»
katalonyada 2014-yili ötküzülgen musteqilliq référanumida xelqning %80i musteqilliqni qollap bélet tashlighanidi.
ispaniye asasiy qanun mehkimisi katalanliqlarning ispaniyedin ayrilip chiqishini bikar qiliwetkenidi.
bu yilmu katalonya aptonom rayonining reisi karlés puygdémont référandum qararnamisini imzalighan teqdirdimu ispaniye hökümitining asasiy qanun mehkimisining wastisi arqiliq référandum qararnamisini bikar qiliwétishi mölcherlenmekte.
katalonyada resmiy référandum ötküzüshke bolmaydighanliqi, 2014-yili 9-noyabirdiki référandumdikige oxshash peqet simwolluq we cheklik halda awaz bérishke bolidighanliqi bildürülmekte.
