tramp shahzade ennehyan bilen téléfonda körüshti

türkiye awazi radiyosi xewiri: amérika qoshma ishtatliri pirézidénti donald trampning ereb birleshme xelipilikining text warisi shahzadisi muhemmed bin zayid ennehyan bilen téléfonda körüshüp, rayonning muqimliqining ehmiyiti we ashqunluqning maliye menbesining üzüp tashlinishi qatarliq mesililer boyiche sözleshkenliki bildürüldi.

aqsaray, tramp – ennehyan uchrishishi toghrisida yazma bayanat élan qildi؛ bayanatta, «ikki rehber birinchisi shundaqla eng muhimi süpitide ashqunluq we térrorchi guruppilarning maliye menbesige qarshi küresh qilish boyiche riyadta hasil qilinghan kélishimning ijra qilinishining ehmiyiti toghrisida birdeklik hasil qildi. yene, pirézidént (tramp), rayonda muqimliqning omumlashturulushi üchün bir gewde halitidiki pars qoltuqi hemkarliq kéngishining dawamlashturulushining ehmiyitini tekitlidi» dégen ibarilerge orun bérildi.